Վերադարձ կամ նորից «Որքա՞նն է քոնը»

 

 

Արտո Թունջբոյաջյանը կրկին Հայաստանում է: Չնայած մեր երկրի «մեծամեծերը» վիրավորել էին «Հայկական նավատորմի նվագախմբի» (Armaninan Navy Band) նավավարին ու երկար ժամանակով մեզ զրկել նրա ներկայությունից, այնուամենայնիվ, նա ԱԺ-ի բակում համերգ տվեց սիրելի ժողովրդի համար:

Ազգային ժողովում բաց դռների օր էր, այսինքն` բաց դարպասների, և բակը մարդաշատ էր: Պաշտոնյաների և նրանց մտերիմների համար հատուկ աթոռներ էին դրված, որոնք, իհարկե, զբաղված էին ոչ այնպես, ինչպես աշխատանքային օրերին ԱԺ դահլիճի նստատեղերը:

Դե մյուսներն էլ, ովքեր իրենց տարեց պապիկի, գրկի երեխայի կամ երկար կանգնելու հնարավորություն չունեցող ընկերուհու հետ չէին եկել, ոտքի վրա վայելեցին համերգը: Չէ, բայց ոստիկանները բարի գտնվեցին և, ի վերջո, թույլ տվեցին նստել կանաչապատ գետնին: Դրա համար հատուկ շնորհակալություն  նրանց:

Իսկ Արտո Թուջբոյաջյանն ու “Armaninan Navy Band” –ը երևանյան երեկոն լցրեցին ծանոթ ու սիրված երգով, Սիրով, Հարգանքով ու Ճշմարտությամբ:

 

Արտո Թուջբոյաջյանի և “Armaninan Navy Band”-ի ալբոմներից.

Սերը մտքումդ չէ

Մտքով սիրելը համից զուրկ է, սրտով սիրելը` խիստ համեղ:

Սեր- Կիրք

Այսօր մենք մարդկային հասարակություն ենք ստեղծում, որպեսզի «սիրենք» միմյանց մեր սեփական շահի համար: Այն, որ դու ձգտում ես ունենալ մի բան, որը դուրդ գալիս է, չի նշանակում, որ դու սիրում ես:  Ինչքանով ես եմ հասկանում սիրո մասին, այն նշանակում է նվիրվածություն, հոգատարություն, հարգանք, ազնվություն, պատրաստակամություն սատարում, խնամք և անձնազոհություն:

ՈՒժեղ- անհոգ, համառ

Ուղղակի ապացուցել քո ուժը և ասել, «Ինձ համար միևնույնն է» դեռ չի նշանակում, որ դա քեզ կդարձնի ուժեղ: Եթե այն, ինչը դու պաշտպանում ես, իր էությամբ ներառում է հարգանքը, ազնվությունը, վստահությունը և արժանապատվությունը, այ դա ուժեղ է: Համառությունը կարող է լինել և լավ, և վատ: Դու ինքդ պետք է գիտենաս, թդ ինչպես գտնես հավասարակշռությունը:

Տարիք-Փորձ

Շատերը չեն գիտակցում, թե ինչքան կարևոր է ժամանակը: Ինձ համար փորձը պահը մտապահելն է, պահը ճանաչելն ու վերհիշելը և գիտակցելը, թե երբ է գալու ճիշտ ժամանակն այն կիրառելու համար: Այն փաստը, որ դու տարիքով ավելի մեծ ես, դեռ չի նշանակում, որ դու ավելի շատ փորձ ունես: Դու պետք է իմանաս, թե ինչպես ապրես պահը:

Լռության մի պահ

Երբ դու հասնես լռությանը, կկարողանաս ունկնդրել բնության լավագույն համերգին:

Այս անիմաստ վազքը ստիպում է բաց թողնել շատ կարևոր երևույթներ կյանքում: Երբեմն մի պահ տրամադրիր, որ լսես բնության ձայնը:

Արտոստան

Ինձ թվում է, որ մարդիկ կարող են ստեղծել իրենց սեփական երկիրն իրենց մեջ: Սա է երկրի մարդկանց և Արտոստանի արքայի գաղափարախոսությունը:

Բարև, բարի մարդիկ

Երբ դու դրական և ազնիվ պատկեր ես դնում քո «Բարևի» մեջ, քո առջև շատ և շատ դռներ են բացվում:

Մի ասա ոչինչ:

Թող տեսնեմ այն, ինչ դու չես մտածում:

Ամեն ինչ կարգին է լինելու

Կարող է պատահի, որ ես երբեք չհաղթեմ, բայց ես հույսս չեմ կորցնի:

Ճանապարհորդությունը դեպի Արեգակը

Դու կարող ես հասնել Արեգակին, եթե հավատում ես:

Կրիայի պես արագ

Ինձ համար կրիան աշխարհի ամենաարագաշարժ կենդանին է: Քանի որ նա, հավաքելով ողջ համբերությունը, դանդաղ, բայց հաստատակամ կենտրոնանում է այն գործի վրա, որը պետք է ավարտին հասցնի: Արդյոք չեք կարծում, որ սա է արագը. գիտենալ, թե ինչ ես ուզում:

Խաղաղությամբ

Ինչքան էլ ես բողոքում եմ, և ինչից էլ որ բողոքում եմ, ես դա անում եմ ի խաղաղություն մարդկության:

 

• The Armenian Navy Band now have their own official YouTube channel. Please subscribe to the channel to be updated about new videos http://www.youtube.com/ArmenianNavyBand.

• http://www.musicofarmenia.com/home.php#:ajax_content@3:ajax_submenu@2